Silkehuva
Det skulle vere to familiar på Bleik som var så uforlikt. Der var ei kona som heitte Beret og ei farkkjerring som heitte Aneka. Om det var den første som gjorde ondt
- men det skulle vere ho Aneka som gjorde den kona frisk igjen som det hadde gått ut over. Ho heitte Gjertrud.
Det var fortalt slik at trollkjerringa sat på Bauktuva imella Bleik og Stave og stella til trollskapen som ho skulle sette på kona på Bleik. (Det var vel slikt ho visste å fortelle, som seinare gjorde kona god.) Nok var det, at då de fekk ho Aneka dit, låg kona til sengs, og ho Aneka gav seg til å kjenne på ho nedan av og oppover, heilt åt hauvet. (Det var vel spanning, de kalla.) Ho Aneka hadde varskudd om at der måtte ligge båt ferdig med landet; og då ho kom så langt som opp til hauvet, løyste ho opp bandan på silkehuva som kona hadde på seg, tok huva av ho og rørte føre. Så gjekk ho i båten, og de måtte ro ut med ho og søkke ned den silkehuva. Då blei kjerringa frisk.
Kommentarer 
Upassende innhold