Skatten på Kalvøya

Kalvøya hører til Røsnes. Likesom på Svinøy-Kalven er det også på Kalvøya gravrøyser frå gamle dagar.

Ein gong det var sild på Oppsigvika, låg ein sildkjøpar ved Kalvøya, og der er det så nærdjupt at han hadde fartyet sitt like ved øya. Om natta ga dei seg til med skattegraving. Ein av dei som grov, somna på spaden. Då han vakna, fann han seg igjen nede i fjæra. Men sildkjøparen fann så mykje pengar at han slutta med sildkjøpet og segla ut fjorden.

Dei som var på verking, såg at det var eir på steinane der pengane var funne.