Torgaren vil gå tørrskodd til Langenes

Det var så at Torgaren såg seg formørkt på at han ikkje fekk gå tørrskodd over til Langnes på vestersida av Gavlfjorden – eller det var til Klo, litt lengre sør. Så ein dag gjekk han i gang med å bygge ein steinrygg over fjorden til det bruk; det var Nøssøyra. Men han glemte seg så av at sola kom på han, og han sprakk i tusen betar der utpå  øyrenden. Men det siste bergstykkjet han rakk å lempe i havet, det blei til skjæret Nøsskråka. Résekjerringa, som gjekk oppi fjellet og venta på at kallen skulle komme heim, blei og til stein. Du ser ho ennu mot himmelen mellom hamrane høgt oppi Strandfjellet.